*لو رجع الزمن*...م. حمدي توفيق
*لو رجع الزمن*
.......................
لو رجع بيا ... الزمن
تاني
هاأغيير كل تفاصيلي
وهاأعيش الدنيا حوار
مفتوح
مع كل شباب جيلي
يمكن
أساعد محتاج وفي
مرة يدعيلي
ويمكن بحرف صدوق
أنور طريق
غيري
أنا أصلي زي الهوا
متعرفش
خطوط .. سيري
لو رجع بيا الزمن
هحاول أغير أنا ذاتي
صفو النوايا
تعبني وذود مُعاناتي
رغم
إني كُنت حريص
في معظم قراراتي
لكن
ضعاف النفوس
وأصحاب المصالح
والنفوذ ... والفلوس
كانوا
ضد ... إختياراتي
وبسطوة وبجبروت
خلوني أحب الموت
وكرهت
كل .... حياتي
لو رجع بيا الزمن
لازم الكل
يتحاسب .. ويدفع
التمن
إن شالله حتي بعصا
موسى .. أوقف الزمن
وألملم شتاتي
ومن تاني
أحاول أرتب .. حياتي
ويكون لي
نظام ... قوي ومؤتمن
......
قلمي
م. حمدي توفيق
تعليقات
إرسال تعليق