لوحات ريفية..شعر علي اسماعيل
لوحات ريفية
*************
آه يا جرن القمحية
ما بنسى فضلك علي/ة
عالمتبلة ربيت صغير
و الهريسة الميلادية
يا ريتك عنا بقيت
رمز الطيبة الريفية
ما أحلاها الجاروشة
و جرن الكبة النية
تذكرت نط الرعوشة
ورا العنزات بالبرية
و الديك و الجيجات
بالزيت البيضة مقلية
ومن الوادي السليقات
مع اللوبية مطبوخات
عالموقدة و الحطبات
بنكهة مدخنة و هنية
شوحلوة أيام البقرات
سوركة و سمنة بلدية
يومية نوعى صبحيات
ع كلمة قوم يا بيي /ة
الله يرحم كل الأموات
و أولهن أمي و بيي
********************
علي اسماعيل ... ٢٣/ ٦ / ٢٠٢٦
تعليقات
إرسال تعليق