صدى صوتي..الشاعر: حليم محمود أبوالعيلة

 صدىٰ صوتي

دا  انا  مش  مستحمل  نفسي

طيب غيري هيستحملني ازاي

وطول  عُمري  عايش متلخبط

وطريقي لا فيه  راجع ولا جاي

اسمع صوتي وانا بغني اتحسر

وصدىٰ صوتي  نعيق مش ناي

بحلم  والحلم  صابح  مكبوت

وقلقان ف نومي  شوف  ازاي

اصحىٰ  من  النوم  قبل الفجر 

واغير  ريقي بهمومي مع شاي

بعشق شروق شمس الصبحية

يومي ببدأبالفيس والواي فاي

وتوهـت  ما بيني وبين نفسي 

والبـخت  فايتنـي  وقال  باي

                كلماتي:

الشاعر: حليم محمود أبوالعيلة