عزيت نفسي...الشاعر: حليم محمود أبوالعيلة

 عزيت نفسي

قربـت علـىٰ  الستـين وخلاص

وحيـاتـي  والخـانات  فاضيـة

مقضيها لعب وسُكر ف حانات

وادتني  تحت  الحزام قاضية

كان لازم تحرمني من حاجات

وعطشان وانا  مـدور الساقية

وعُمر عيوني  ما شافت بنات

لا ف  نظـرة أولـىٰ  ولا تانـية

عاشق انا وأخطائي شماعات

ولا عشت يوم صح ولا ثانية

ولا عُمري كُنت بتاع حوارات

ولا عـرفت ان  الحياة  فانية

بصيت ف مرايتي وانا خارج

عزيت نفسي ولاحاجة باقية

                   كلماتي:

الشاعر: حليم محمود أبوالعيلة

مصر