عقارب الساعة..الشاعر: حليم محمود أبوالعيلة
عقارب الساعة
عقارب الساعـة بتلدغنـي
والسم بيجري ف شرياني
ودوايا مـعـاهـا وجُـواهـا
والدنيا سجني وسجـاني
تملي شايفها نافرة هـوايا
وحاضنة غيري ورفضاني
ولو قلبـي لسه بحن لها
هاوئد روحـي ووجداني
ورجليـه تايهة خطـاويها
مهـزوزة ومُـش شيلانـي
ف الدنيا بعافر وبسايس
وحُضنها رافض جُثماني
بيجيني رزقي ك النملة
وعُمري بيجري ف ثواني
أيامـي دابت زي التلـج
وسنيني خلصت وزماني
كلماتي:
الشاعر: حليم محمود أبوالعيلة
مصر
تعليقات
إرسال تعليق