صورة للتذكار..أبو عامر خزنا
صورة للتذكار
""""""""""""""""""""
رسمتك صورة للتذكار
بروازا مشكشك أزهار
تبقى بفكري ليل نهار
بس ما تضلّي زعلانة
جمعتا خِلسة من الأنوار
وكحّلتا بضو الأقمار
وبصمة من قول الشّعار
وكمشة من دمّي القاني
شونسيتي هاك المشوار
غابة تنوّعها الأشجار
الطيبة من كل الأثمار
تنقّي فواكي حليانة
جيتيني باليوم القار
مبلّل جسمك بالأمطار
ومن حبّات البرَد كبار
وقلتي حضنك دفّاني
هالبرد قاسي يا جار
نخر عضمي عالمدار
حظّي معك كلّو مرار
وبعرف حُبّك إنساني
لولا مشيتي عالمسار
ماكان دمّي غلي وفار
وبسامح ... عا يلّي ... صار
وبرويكي لو .... عطشاني
🖊️أبوعامرخزنا
٣٠/ ٩/ ٢٠٢٦
تعليقات
إرسال تعليق