فرشت قلبي // بقلم أ. حليم محمود أبوالعيلة
فرشت قلبي
غـزلت مـن رِمشِك سجـادة
وفرشت قلبي معاهاع الأرض
واتوضيت من عذب خدودك
ونويت اصلي صلاة الفرض
وشوفـت كتيـر قبلك حلوين
واخدين دور ف طابورالعرض
ولما عيوني رفضت تقابلهم
كرم شفايفك وعدني بقرض
ودلوقتـي نويـت أرجعهولك
والفايدة بعدد حُجارة النرد
وسرقت من عيـونك لونهم
وياما قطفـت فـواكه الخـد
دا جمالك غرق مـوج البحر
وخفة دمك قلبت جزر ومد
دا رضابك صبحت فيـضان
وكمان شفايفك صبحت سد
عطشان وانا عايم ف بحورك
وكمان سقا وساقي وريدك
ازرع وردة ف وسط جناينك
تبقىٰ فيونكة فوق ف جبينك
وحضنك دافي وقلبك وافي
وانقش قلبي قلادة ف جيدك
وكمان بدعـي ربي يوماتـي
يبـارك ف جـمالك ويزيـدك
كلماتي:
الشاعر: حليم محمود أبوالعيلة
مصر
تعليقات
إرسال تعليق