يا دنيا...م. حمدي توفيق
يادنيا
******
يادنيا عيب أختشي
عامله عمايلك ليه
ما كفايه زاد همنا
بسبب ولاد الأيه
****
يادنيا عيب أختشي
وسعت كدا منك
بهدلتي فينا الأصيل
لكن ولا يهمك
****
يادنيا عيب أختشي
الرزق يجي بالعافية
واللي شلناه في العيون
أهو جاب لنا الكافيه
****
والصحبة طلعت هَش
وقت الفلوس جم جري
ووقت حاجتنا ليهم
ما شفنا ليهم وش
****
خلاص يادنيا بقا
وخفي كمان حبة
بتيجي ع الغلبان
والندل له محبة
****
يادنيا اتعدلي ولميها
واعدلي بقى المايل
وكفاية ذل الأصيل
دا الندل بقى طايل
****
يادنيا عيب أختشي
وقوليلنا أخرتها
الطيبين ضاعوا وخلاص
الهايفه ... كسبتها
.....
قلمي
م. حمدي توفيق
تعليقات
إرسال تعليق