كُل الأماكن..الشاعر: حليم محمود أبوالعيلة
كُل الأماكن
كتبت شعري فوق جدار قلبي
ونسيت اغزل حُبي ع الورقْ
هايم كالفراشات ف الجناين
والشوق ف حُضني اتحرقْ
ف وجودك كُل الأماكن جنة
وربيعك مزهزه شـذا وألقْ
واخد من وردِك رقته ولونه
طرح جوايا عبير وانسرقْ
حُبـي تاه ف بحور عينيك
وقـلبـي ف بُـحـورك غـرقْ
كلُ العيون حسداني عليك
وعُمري معاك عشته ف قلقْ
يا أحلىٰ وأرق نساء الكون
وأحن قلب ف العشق اتخلقْ
دا انا حُبي أكبر من حياتي
وقلبـي لسه ف عُـمر اليرقْ
كلماتي:
الشاعر: حليم محمود أبوالعيلة
مصر
تعليقات
إرسال تعليق