شفاف...الشاعر: حليم محمود أبوالعيلة

 شفاف

واللـي  يستكتر  غُموسه

يكمل غداه وعشاه حاف

واللـي  يستهتر  ف حاله

دا يعلق على كتافه  ناف

ويعيش تملي كما الأنعام

يلف  الدنيا  كأنه م شاف

الناس م تحسبله  حساب

كأنه  ضل  وخيال شفاف

بص  ف  مرايته  اترعـب

وحاله  اتقلب  بقا خواف

قصف  قلمه وكسـر فأسه

عاش ليالي سوده عجاف

يطوف م بين عقله وقلبه

يرجع بخيبةكأنه م طاف

دا اللي يستكتر  غُـموسه 

يكمل غداه وعشـاه حاف

                   كلماتي:

الشاعر: حليم محمود أبوالعيلة 

مصر