قاعد مع نفسي من امبارح كتبه صالح عباس حمزه

 قاعد مع نفسي من امبارح

كتبه صالح عباس حمزه

انا لسه امبارح

وأنا قاعد مع نفسي وسارح

بسألها وبرد عليها

إزاي إحنا بقينا كبار

وامبارح كانوا بيقولوا علينا صغار

وازاي العمر سرقنا وطار

وبقينا خلاص كبار

وكاني كنت امبارح واقف مع ابويا في وسط الدار

وكنا راجعين لسه من الغيط للدار

وبعد ما كلنا زعق لي ونادي عليا

وقال لي يلا الغيط بينادي علي

يلا نعمل الشغل اللي علينا

اللي يتاخر عمره ما يكسب حاجه في يومه

قلت حاضر وأنا بجري عليه

اخذت معاي الغنمات

علشان ارعها في الغيط اللي جنب الترعه

ورجعت اذاكر علشان ما انساش

الدرس اللي عطهونا الاستاذ

علشان يثبت في دماغي ومنساه

والاستاذ سامح مش هيسامح

اللي هينسى وميعملش الواجب

ايام كنت حلوة وايامنا اهي راحت