معرفش ليه ؟!..عبد الحميد المرسى

 معرفش ليه ؟!

معرفش ليه قُدامِك انتِ

بتتوه مني الحروف ؟!

ﻻ هو رهبه ..

وﻻ هو خوف

ﻻ هو سحر صانعه خيالي

وﻻ هو كسوف 

اللى اعرفه قُدام جمالِك

قلمى بلتقاه مقصوف

بيبقى عاجز ومحتاج لروحك

تصلبه وتشد عوده

بيبقى تايه وشايفِك انتِ

حته منه .. 

أهله وجدوده

معرفش ليه ؟!

همسك لوحده نيل ..

يروى الشوق والهيام

سلسبيل يبل ريق ..

العطاشى للغرام

ضلة سحابه جات لقلبي

وبدرت عليه السلام

معرفش ليه عبيرِكْ انتِ

بيرُد فيّا الروح 

ويداوي اللى سكني من وجع

بيطيب فيّا الجروح

باختصار ، معرفش ليه ؟!

بس اللى اعرفه ..

بلخصه ف كلمتين 

إنتِ النقاء ومنبعه

إنتِ الضيا للعين 

عبدالحميد المرسى