بطلت اعاتبك..حنان حلمي
بطلت أعاتبك
لا هلومك
ولا هعاتبك
ولا في يوم
هشتاق وأحن ليك
اللوم للأحبة
وأنت صدقني
مش عارفة أنت إيه
حب عشته
وغرقت فيه
ولا غلطة ولازم أداريها
دور كده على صورتي
محيتها من عنيك وقلبك
أتحداك لو قلتها
تبقى بتكذب وتخبي
كان لينا حكاية
انتهت قبل البداية
تعال يا قلبي وعيني
نتعاهد ما نشوفش
حد تاني غيري
بلاش حب
بلاش عتاب
بلاش وجع قلب
قبل ما أمشي
أحب أقولك
أنت الخسران
مش أنا
تعال يا أيام
نداوي اللي كان
ونمحيه كأنه ما كان
بقلمي حنان حلمي
تعليقات
إرسال تعليق