الأشواك...🖊️أبوعامرخزنا
الأشواك
"""""""""""
يا أشواك العمر لا تقرصيني
حنّي ع ديي الناعمة هديني
خدي بالك أنا حافي القدم
عطيني أُبر شافية شفيني
تشوف الحبيب بليلة مطر
كوني ع أسراري كاتم غَمَرْ
ولا تقولي ساري بضوّ القمر
شو بعمل لــولا فضحتيني
بعصــر زرار الـــورد منّــك
بعبّي وبملّي لو خِلص دنّك
التفل بعملو حــــلا لبنّك
فيه بلسم يفتح شراييني
يا هموم حلّي ع شايب كهل
خرجي من حالو جسمو نَحَل
شفقي لعمرو عمرو زَحَل
حامل ذنوب الشقا بتكفيني
بسأل الله من قلب محزون
يخفف الكرب وبكون ممنون
عن حالي وحال شعب مديون
بتضرُّع لخالقي وخالق التكويني
🖊️أبوعامرخزنا
١٨ / ١٠ / ٢٠٢٦
تعليقات
إرسال تعليق